ကမ္ဘာ့အကြီးဆုံး မြေအောက် ကမ္ဘာ

ကမ္ဘာ့အကြီးဆုံး မြေအောက် ကမ္ဘာ
5:49 AM  0
ဗီယက်နမ် လယ်သမား တဦးဟာ ၁၉၉၁ ခုနှစ်က ဗီယက်နမ်နိုင်ငံ Phon Nha-Ke Bang အမျိုးသား ပန်းခြံထဲမှာ အရင်က မတွေ့ခဲ့ဖူးသေးတဲ့ ဂူတလုံးကို မထင်မှတ်ဘဲ တွေ့ရှိခဲ့ပါတယ်။ ဂူရဲ့ အ၀င်ဝ အရောက်မှာတော့ အလွန် ကျယ်လောင် မြည်ဟီး စီးဆင်းနေတဲ့ ရေစီးသံတွေ ကြားလိုက်ရတော့ သူလည်း ကြောက်ရွံ့ပြီး ဂူထဲဆက် မ၀င်ရဲတော့ပါဘူး။ ဒေသခံတွေက အဲဒီဂူကို Son Doong လို့ ခေါ်ပေမယ့် ဘယ်သူမှ နောက်ထပ်ရှာဖွေမှုတွေ မလုပ်ရဲကြပါဘူး။

၂၀၀၉ ခုနှစ်မှာတော့ ဟောင်းဝပ် လင်းဘတ် (Howard Limbert) ဦးဆောင်တဲ့ ဗြိတိသျှ သုတေသနနဲ့ လေ့လာရှာဖွေရေး အဖွဲ့ အဲဒီဂူကို ရောက်ရှိခဲ့ပြီး ဂူအတွင်း ၀င်ရောက်လေ့လာဖို့ ဆုံးဖြတ်ခဲ့ပါတယ်။ သူတို့ ဂူ အတွင်းထဲ ၀င်ရောက်လေ့လာတော့ အဲဒီ ဂူဟာ ၅ ကီလိုမီတာ ရှည်ပြီး၊ မီတာ ၁၅၀ ကျယ်တဲ့ အလွန်ကြီးမားတဲ့ ဧရာမဂူကြီး ဖြစ်နေတာကို တွေ့ရှိရပါတယ်